Англия чемпионатининг 8-туридан ўрин олган «Манчестер Сити» ва «Тоттенхэм» жамоалари ўртасидаги ўйинда бир нечта эътиборга молик вазиятлар кузатилди.

"Шаҳарликлар" ҳужумчиси Серхио Агуэро ушбу ўйинда 4та гол урган бўлса, ҳакам дарвозалар томон 4та пенальти белгилади. Пенальтилардан иккитаси гол айланмаган бўлса, айнан Агуэронинг пенальтидан йўллаган зарбасини "Тоттенхэм" дарвозабони қайтаришга муваффақ бўлди.

Баҳс 4:1 ҳисобида якунланган бўлса-да, ўйиннинг 67-дақиқасигача ҳали ҳеч нарса маълум эмасди (ҳисоб 2:1 эди). Ўша вазиятда бош ҳакам Мосс меҳмонлар дарвозасига учинчи пенальтини (ўйиндаги тўртинчи) белгилаб, "шпорлар" ҳимоячиси Федерикони майдондан четлатди. Агуэро бу сафар пенальтини аниқ амалга оширди. Ушбу вазиятгача меҳмонлар ҳужумчиси Сольдадо битта пенальтидан фойдалана олишмаганди. Шунингдек, Сольдадонинг яқин масофадан йўллаган зарбасини ҳам Жо Харт қайтарди.

Ўйин тугашига 15 дақиқа қолганида эса Агуэро тўртинчи голни урди ва баҳс тақдирини ҳал қилди.

Англия чемпионати, 8-тур
Манчестер Сити – Тоттенхэм 4:1 (2:1)
Голлар: 1:0 – 13 Агуэро, 1:1 – 15 Эриксен, 2:1 – 20, пенальти Агуэро, 3:1 – 68, пенальти Агуэро, 4:1 – 75 Агуэро.
Ноаниқ пенальтилар: Агуэро (32) — Сольдадо (62)
"Манчестер Сити": Жо Харт, Санья, Компани, Демичелис, Клиши, Фернандо (Яя Туре, 76), Лэмпард (Фернандиньо, 28), Навас, Сильва (Йоветич, 70), Милнер, Агуэро.
"Тоттенхэм": Льорис, Роуз, Дайер, Фасио, Кабуль, Эриксен, Мэйсон (Вертонген, 70), Шадли, Капу (Дембеле, 60), Ламела (Таунсенд, 60), Сольдадо.
Огоҳлантиришлар: Мэйсон (33), Дайер (37), Навас (55).
Четлатиш: Фасио (67).