"Бавария" яримҳимоячиси Франк Риберининг агенти Жан-Пьер Берне ўз мижозининг нима учун Франция терма жамоасидан кетганини маълум қилди.
"Рибери бу қарорга ўзи ҳақида тарқалган кўплаб миш-мишлар туфайли келган. ЖЧ-2014 мусобақасида Франция терма жамоасига ёрдам бера олмаслиги маълум бўлгач, унинг уколдан қўрқиши ҳақида гаплар тарқалди. Бу кулгули.
Бундан ташқари Франция терма жамоаси унингсиз яхшироқ ўйнаши ҳақида гапирдилар. Бундай гапларни эшитиш ҳамиша ёқимсиз", - дея агентнинг сўзларини келтиради Bild.