Қатар футбол ассоциацияси президенти Ҳамид бин Халфа бин Аҳмад Ал-Тани мамлакат келаси йили Африка миллатлар кубогини ўзида қабул қилишга тайёр эканини маълум қилди.
"Агар расмий илтимос бўладиган бўлса, Қатар Африка миллатлар кубогини ўтказиш бўйича исталган ёрдамни беришга тайёр", - дея шайхнинг сўзларидан иқтибос келтирмоқда AFP.
Эслатиб ўтамиз, мусобақа Марокашда бўлиб ўтиши белгиланган, аммо ушбу мамлакат эбола вируси хавфи оқибатда уни қабул қилишдан бош тортган эди. Бунинг учун Африка футбол конфедерацияси Марокаш терма жамоасини мусобақадан четлатган.
Хориж матбуотидаги хабарларга қараганда, Қатар мусобақани ўзида ўтказишга розилик бергани ҳақидаги янгилик эълон қилингач, ҚФА вице-президенти Саид Ал-Муҳаннади буни рад этган.
