Мюнхеннинг "Бавария" клуби яримҳимоячиси Франк Рибери Франция терма жамоасида ортиқ тўп сурмаслигини яна бир бор тасдиқлади. Эслатиб ўтамиз, 31 ёшли футболчи август ойида миллий жамоадан кетишини эълон қилганди.
"Франция термасидаги фаолиятимни якунладим. Ўзимга "Тўхта" дейишим керак бўлди. Энди ўзим ва оилам ҳақида қайғуришим мумкин. Бу эса менга жуда ёқади", - дея Риберидан иқтибос келтирди Kicker нашри.
Футболчи "учранглилар" футболкасидаги илк дебюти 2006 йилга тўғри келганди. Шундан буён Рибери ушбу либосда 82 ўйинда майдонга тушиб, 16 гол муаллифига айланди.