"Удинезе" ҳужумчиси Антонио ди Натале Италия чемпионатининг 12-турида "Кьево"га қарши учрашув биринчи бўлимининг қўшиб берилган вақтида ҳисобни очди.
Бу 37 ёшли футболчининг А сериядаги 400-ўйинидаги 200-голи эди. Ди Натале А серияда биринчи учрашувини 2002 йилнинг 14 сентябрь куни "Комо"га қарши ўтказган эди.
Ди Натале А сериянинг энг яхши тўпурарлари рўйхатида 7-ўринда бормоқда, унинг голлари машҳур Роберто Бажжоникидан 5та кўп. А серия тарихида Сильвио Пиола 290та голи билан энг яхши тўпурар бўлиб турибди.