Adidas Лионель Месси учун махсус бутсаларни ишлаб чиқарди. Унга "Mirosar10" деб ном берилган бўлиб, у Аргентинадаги Росарио шаҳри шарафига шундай номланди. "Mirosar" сўзи испан тилидан таржима қилинганда "Менинг Росариом" деган маънони билдиради.
Месси айнан Росарио шаҳрида туғилган, илк футболга ўша ерда қадам қўйган.
Бутсанинг асосий ранглари сифатида зарғалдоқ (тўқ сариқ, оранжевый) ва яишл ранглари танланган. Бу Лионель ёшлигида ўйнаган жамоанинг асосий ранглари ҳисобланади.
"Mirosar10" патагига эса Росарио харитаси тасвирланган. Унда асосий урғу ташландиқ ҳолатга келиб қолган "Батальон" ҳарбий базасига қаратилган. Месси ва унинг дўстлари ушбу ҳарбий базанинг деворидан ошиб, футбол ўйнашга боришган.
