Англия футбол ассоциацияси "Ливерпуль" ҳужумчиси Марио Балотелли билан алоқага чиқди ва Инстаграмдаги ёзувлар орқали изоҳ беришни талаб қилди. Бунинг учун италиялик футболчига жума кунигача вақт берилди.
Эслатиб ўтамиз, Балотелли инстаграмга Супермарио видеоўйини қаҳрамони суратларини жойлаб унга нисбатан "Ирқчи бўлманг! Мариодек бўлинг. У - японлар томонидан яратилган оддий италиялик водопровод ишчиси, инглиз тилида гапиради, мексикалик каби кўринишга эга, қоратанли каби сакрайди ва яҳудий сингари пул йиғади", - дея изоҳ ёзганди.
Кейинчалик Балотелли суратлар ва изоҳларни ўчириб ташлаб, Инстаграм орқали узр сўради.
