Халқаро чанғи спорти федерацияси (FIS) президенти Жанфранко Каспер ҳозирги кунда ФИФА раҳбари Йозеф Блаттер билан ЖЧ-2022ни ўтказиш муддати борасида музокаралар олиб бормоқда.
«Блаттер билан 40 йилдан бери дўстмиз. Сўнгги икки йилдан бери ушбу ўзаро суҳбатларда ушбу мавзу кўтарилса, кўп ўйлай бошлаймиз. Ўзимиз томондан шуни маълум қилдикки, футбол бўйича ЖЧ октябрь-ноябрь ёки март-апрель ойларида ўтказилиши бизга тўғри келади. Лекин, илтимос, қишнинг ўртасига тегманг. Гап фақат қишки олимпия ўйинларида ҳақида эмас, бошқа мусобақалар ҳақида ҳам кетмоқда.
Биз ўз таклифимизни бердик, энди ФИФАнинг қарорини кутяпмиз. Блаттернинг менга айтишича, якуний қарор май ойида қабул қилиниши керак», – дейди Каспер.
