ФИФА ташкилотининг амалдаги президенти Жозеф Блаттер 2015 йил январида бўлиб ўтадиган навбатдаги президентлик сайловларига ҳам ўз номзодини қўйишга қарор қилди. Бу ҳақида “Sky Sports” нашри хабар бермоқда.
Ушбу 78 ёшли швейцариялик спорт амалдори 1998 йилдан буён 4 марта кетма-кет ФИФА президентлигига сайланган, бу сафар эса у бешинчи марта сайловларда қатнашади.
Бироз олдинроқ, Жозеф Блаттер оммавит ахборот воситалари ходимларига ўзининг ташкилот атрофида тез-тез юз бериб турган жанжаллардан жуда чарчагани туфайли, навбатдаги сайловларда қатнашмоқчи эмаслигини маълум қилган эди. Лекин охирги кунлар давомида кўп ўйловлардан кейин, у яна сайловларда қатнашиш фикрида тўхталган.
