Мадриднинг “Реал” клуби ярим ҳимоячиси Лука Модрич Хорватиянинг 2014 йилдаги “энг яхши футболчи”си деб топилди. Овоз бериш якунларига кўра, 29 ёшли хавбек 109 балл тўплади. Модрич сўровда “Атлетико” ҳужумчиси Марио Манжукич (96 балл) ҳамда “Барселона” ярим ҳимоячиси Иван Ракитични ортда қолдиришга муваффақ бўлди.
Таъкидлаш жоиз, йилнинг энг яхши футболчисини Хорватиянинг "Vecernji list" газетаси аниқлаб келмоқда. Модрич учун бу тўртинчи соврин бўлди. У 2007, 2008, 2011 ва 2014 йилларда ҳам Хорватияда йил футболчиси деб топилганди.
Энг яхши бўлиш бўйича Давор Шукер етакчи. Шукер ўз даврида олти бор йилнинг энг яхши футболчиси бўлган.
2014 йилнинг “энг яхши ёш футболчи”си номинациясида Ливеркузеннинг “Байер” клуби ярим ҳимоячиси Тин Едвай ғолибликни қўлга киритди. Иккинчи ўрин “Барселона” аъзоси Ален Халиловичга насиб этди. Бу истеъдод эгаси ўтган йили ёшлар (U-20) ўртасидаги жаҳон чемпионатида Ўзбекистон терма жамоаси дарвозасини ишғол қилганди.
