"ПСЖ" клуби ва Швеция терма жамоаси ҳужумчиси Златан Иброҳимович ватанидаги ов вақтида ярим тонналик буғуни (Лось) овлади.
2010 йилдан буён ов қилиш рухсатномасига эга 33 ёшли футболчи швед ўрмонларидаги биринчи отишидаёқ мўлжалга урди.
Аммо Иброҳимовичнинг бу ютуғи ватанида ҳаммага ҳам ёқмади. Швеция жониворларни муҳофаза қилиш жамиятларидан бирининг бош директори Камилла Бьеркомб ўрмон ҳайвонларини овлаш жамиятга жиддий муаммо келтиришини таъкидлади.
"Таниқли инсонларнинг бу каби ишлар билан шуғулланиши ҳар доим муаммо келтирган. Златандан ташқари овни ёқлайдиган одамлар ҳам бор. Масалан, Қирол. Ҳайвонлар эса азобли ҳолда ўлмоқда", - дейди Бьеркомб.
