Англия терма жамоасининг собиқ аъзоси Дэвид Бекҳэм аварияга учраган Audi автомобили eBay интернет-аукционида сотувга қўйилди, деб хабар берди “The Daily Express” нашри.
Ушбу машинага 43 минг фунт стерлинг нарх қўйилган.
Аввалроқ, Бекҳэм ва унинг 15 яшар ўғли Бруклин “Арсенал” жамоаси машғулотлар базасидан уйга қайтишаётганда йўл транспорт ҳодисасига йўлиқишгани хабар қилинган эди.
Маълумот учун, Бруклин “Арсенал”нинг ўсмирлар жамоаси сафида тўп суради. Автомобиль катта тезликда бошқа автомобилга бориб урилган. Воқеа гувоҳларининг таъкидлашларича, Бекҳэм автомобилни меъёридан ортиқроқ тезликда бошқариб келаётган бўлган. Футболчи ва унинг ўғли жиддий жароҳат олишмаган ва машина ичидан ўзлари чиқиб келишган.
Энди Ғарбий Йоркширдаги бир компания бу автомобилни eBay аукционида сотишга қарор қилган. Нашрнинг таъкидлашича, Бекхэмнинг Audi RS6 моделидаги ушбу автомобили футболчи унга тўлаган нархдан икки баробар арзонроққа сотилмоқда.
