"Челси" ҳужумчиси Диего Коста уч ўйинга дисквалификация қилиниши мумкин, дея хабар беради Англия футбол ассоциацияси (ФА) расмий сайти.
ФА Англия кубоги ярим финалида "Ливерпуль"га қарши учрашувда рақиб ҳимоячиси Эмре Жанга ишлатган қўполлиги учун жазоланиши мумкин. Испаниялик футболчи ҳимоячининг оёғини босиб ўтиб кетган, аммо учрашув ҳаками буни эътиборсиз қолдирган.
ФА тартиб-интизом қўмитаси вазиятни ўрганиб чиқди ва Костани уч ўйинга четлаштириши мумкин. Футболчи пайшанба кунининг оқшомигача ушбу вазият юзасидан тушунтириш бериши керак. Қўмита қарори жума куни эълон қилиниши кутилмоқда.