Карлос Кейруш Эрон миллий терма жамоасини ЖЧ-2018 саралаш босқичи давомида бошқариб борадиган бўлди.
Эрон Осиё кубогининг чорак финалида Ироққа пенальтилар сериясига кўра ютқазиб қўйди ва мусобақани тарк этди.
"Аввало ёш футболчилар учун хурсандман. Улар турнирда яхши ўйин кўрсатишди. Биз амалга оширган ишларимиз билан фахрланишимиз керак. Боиси, мусобақа давомида биз кўп қийинчиликларга дуч келдик. Биз камида ярим финалгача етиб боришга ҳақли эдик. Бизга ишонган, бизни қўллаб-қувватлаганларга миннатдорчилик билдираман. Биз энди эътиборни ЖЧ-2018 саралаш босқичига қаратамиз. Ўйлайманки, Эрон нуфузли мусобақада иштирок этиш имкониятига эга", - дейди Карлос Кейруш Теҳрон халқаро аэропортида журналистлар билан суҳбат чоғида.
