Италия суди Европа лигаси 1/16 финалида "Рома" билан учрашув олдидан (1:1) Рим шаҳрида оммавий тартибсизлик келтириб чиқарган бир гуруҳ "Фейеноорд" фанатларига ҳукм чиқарди.
Римда чоршанба куни 33та , пайшанба куни яна 20 голландиялик ишқибоз қўлга олинди.
Уч ишқибоз 16 ойлик қамоққа ҳукм қилинди, яна олтитаси 8 ойни қамоқда ўтказадиган бўлди.
Икки ишқибоз 40 минг евро жарима тўлайдиган бўлди ва яна олтитаси олти ойлик қамоқ жазоси ўрнига 45 минг евродан тўлайдилар.
Эслатиб ўтамиз Роттердамдан Римга 5 минг ишқибоз келган, тартибсизликларга қарши 1300 полициячи курашган.
Хабарларга кўра, ишқибозлар қўлидан 1627 йилда қурилган Баркачча фонтанига зиён етган.
