Kirish Ro'yxatdan o'tish
02/11 00:45 Yuventus 2-0 Napoli
02/11 01:00 Atletik Bilbao 2-1 Real Sosyedad
02/11 18:45 Paxtakor 2-6 An-Nasr (SA)
02/11 21:00 Traktor 2-2 Neftchi
02/11 21:00 As-Sadd 0-0 Al-Ahli (SA)
02/11 21:00 Al-Vasl 4-3 Al-Quva al-Javiya
02/11 22:30 Sassuolo 2-4 Fiorentina
02/11 23:15 Al-G‘arafa - Al-Qodisiya
02/11 23:15 Al-Ittihod - Al-Ayn
03/11 00:45 Atalanta - Parma
03/11 01:00 Deportivo - Osasuna
03/11 01:00 Nyukasl - Everton

Blog

Rustam Sulaymonov

Bir chimdim kulgu

MUALLIFNING BOSHQA MAQOLALARI

 

BLOGGERLAR

Askiya (Sport payrovi)

Baho:
+2; -0

БОЛТАВОЙ: Юртимизда спортга катта эътибор бериляпти, келинг, БЕЛЛАШАМИЗ.

ТЕШАВОЙ: Майли, беллашсак, беллашамиз. Бу беллашув бўладими ё ТИЛЛАШУВ?

БОЛТАВОЙ: Қандай тушунсангиз, шундай. Бизни кўрганлар сизнинг думалоқ қоматингизга қараб, Болтавой футболчи экан, ТЎПи билан келибди, дейишяпти.

ТЕШАВОЙ: Сизнинг узун бўйингизга қараб Тешавой баландликка сакровчи спортчи экан, ЛАНГАРЧЎПи билан келибди, дейишяпти.

БОЛТАВОЙ: Ёшлигингизда кўп урушқоқ бола эдингиз, муштлашганда қўл-оёқнинг ўрнига кўпроқ каллангизни ишга солардингиз. Шунда ҳамма сизни кўрганда СУЗУВЧИ дейишарди.

ТЕШАВОЙ: Сиз ҳам шу от спортига қизиқиб қолганингиз чатоқ бўлдида! Қачон уйингизга бормай, ўғлингиз чиқиб “Отам далага ЧОПТИРГАНИ кетди” дейди.

БОЛТАВОЙ: Ўзингиз ҳам бильярдга муккангиздан кетдингиз. Уйдагиларингиз суриштирса уларни ҳам алдаб юрибсиз экан “СОҚҚАЛИ иш билан бандман” деб.

ТЕШАВОЙ: “Билъярд” деб эсга солдингиз. Сиз билан бильярдхонага борганимизда бильярдхона эгаси қўлингизга бильярд таёғини бериб, унинг номини айтса сиз ҳайрон бўляпсиз: “Нимани КИЙаман?” деб.

БОЛТАВОЙ: Югуриш мусобақасида биринчи ўринни олувдингиз, кейин бекор қилиниб, олтин медалингизни олиб қўйишди. Нега бунақа бўлди, деб сўрасам, менинг бош кийимимни сабаб қиляпсиз “ДЎППИНГ” деб.

ТЕШАВОЙ: Эсингиздами, Болтавой, биргалашиб бокс кўрганимиз? Мен танлаган боксчи бир зарба берганди, сизни ўнгача санагандаям ТУРМАДИ?

БОЛТАВОЙ: Эсимда,эсимда! Эркин кураш кўрганимиз ҳам эсингиздадир? Мол эгасига ўхшамаса ҳаром ўлади, деганларидай, сиз танлаган курашчи сизга ўхшаб ПАРТЕРга туришни хуш кўраркан?

ТЕШАВОЙ: Охирги пайтлар жуда тажанг бўлиб қолдингиз. Сал нарсага ҳам аччиғингиз чиқиб беряпти. Ғашингизга текканларга БАС! КЕТ! БЎЛ! Деб бақириб беряпсиз экан.

БОЛТАВОЙ: Сизнинг юришингиздан ҳамма қўрқадиган бўлиб қолганда! “Қанақа юришим?” демасингиздан, ўзим айта қолай: шахмат ўйнаганингизда ОТ ЮРИШИНГИЗдан.

ТЕШАВОЙ: Ёлигингизда сиз мерганликка қатнаган экансиз. Мураббий анжомлар билан таништираётиб: “Бу ўқ, буниси КАМОН”* деганда анча ўзингизга келмай юрган экансиз.

БОЛТАВОЙ: СИЗ штанга кўтаришга қатнагансиз. Машғулотларда қийналиб кетиб йиғлаб ўтирсангиз, мураббий келиб: Буни ОҒИР АТЛЕТИКА дейдилар, деса, сиз: ЕНГИЛРОҒИДАН йўқми, дермишсиз.

*- Фарғоналик уста аскиячилардан.

Kiritilgan sana: 05.03.2012 19:15. O'kildi: 11445 marta.
Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar.


счётчик