Kirish Ro'yxatdan o'tish
03/11 00:45 Atalanta 0-3 Parma
03/11 01:00 Deportivo 2-1 Osasuna
03/11 01:00 Nyukasl 0-1 Everton
03/11 12:45 Nyukasl Jets 2-4 Shangxay Port
03/11 15:00 Chonbuk Motors 2-0 Johor Dorul Ta’zim
03/11 15:00 Kashiva Reysol 2-0 Tejon Xana Sitizen
03/11 15:00 Vissel Kobe 3-2 Ratchaburi
03/11 15:00 Kongan Xanoy 0-0 Kyoto Sanga
03/11 15:00 Port 7-4 Beyjing Guoan
03/11 18:45 Ist Bengal 0-2 As-Siyb
03/11 21:00 Istiqlol 1-0 Ash-Shamol
03/11 21:00 Al-Hussayn 0-3 Ash-Shorta
03/11 22:45 Shaxtyor 0-1 Sporting
03/11 22:45 Galatasaroy 2-0 Shtutgart
03/11 23:15 Al-Hilol 2-0 Shabab al-Ahli
04/11 01:00 Barselona 3-0 Aston Villa
04/11 01:00 Feyenoord 0-3 Inter
04/11 01:00 Bude-Glimt 0-0 Lill
04/11 01:00 LASK 4-0 Slovan
04/11 01:00 Man. Yunayted 3-2 Roma
04/11 01:00 Vilyarreal 0-6 PSJ
04/11 01:00 Atletiko 0-2 Bavariya
05/11 18:30 Bunyodkor - Xorazm

Blog

Rustam Sulaymonov

Bir chimdim kulgu

MUALLIFNING BOSHQA MAQOLALARI

 

BLOGGERLAR

Eng yaxshi jamoa (Hajviya)

Baho:
+2; -0

- Тасаввур қилинг – сиз Ўзбекистоннинг энг яхши жамоаси! - Янги бош мураббийимизнинг илк машғулотдаги илк гапи шу бўлди. - Ҳар бирингиз - Ўзбекистоннинг энг яхши футболчиси.

Кимдир мийиғида кулиб қўйди, кимдир “пиқиллаб” юборди. Бу мураббийга ёқмаганини юз-кўзидан билиб олдик, аммо унинг ўзи буни билдирмасликка ҳаракат қилди. Гапига кулганимиз учунми, ё бу мураббийнинг усули шунақами, билмадик, лекин ўша куни ҳаммамиз машғулот майдонини эмаклаб тарк этдик. Мураббий бизни роса “эзди”, кейинги кун ҳам, ундан кейинги кунларда ҳам. Ёмон қийналдик. Ўта қаттиққўл, айтганини қилдирмасдан қўймайдиган одам бўлиши билан бирга вақти-вақти билан ҳазиллашишни ҳам ўрнига қўядиган экан. Машғулотда биз чарчар эдик, аммо у ўша иборасини такрорлашдан чарчамасди:

-Тасаввур қилинг – сиз Ўзбекистоннинг энг яхши жамоаси!

Икки ой деганда пишиб етилдик, зўриқишларга кўникиб кетдик. Футболда “тактика” деган нарсалар ҳам борлигини шу мураббийдан ўргандик. Майдонда эса ўзимизни қушдай ҳис қила бошладик. Секин-секин ғалаба таьмини татиб кўра бошладик.

- Аввалги ўйинларда мен сизлардан ғалаба талаб қилмаганман, - деди мураббийимиз бир муҳим ўйин олдидан. – Бу сафар, сал бошқача. Ютишимиз шарт! Ҳар бирингиз ўзингизни Ўзбекистоннинг энг яхши ўйинчиси деб тасаввур қилинг.

Ўзимизга бўлган ишонч ҳам шу даражага етгандики, йигитлар билан ўзаро келишиб, мураббийимиз билан бир ҳазиллишмоқчи бўлдик. Ўйлаган ҳазилимиз бироз қалтисроқ бўлсада, у ҳазилни тушуна олгани учун ўйинни боришига қараб, бир таваккал қилмоқчи бўлдик.

Биринчи бўлим тугаб, танафусга чиққанимизда мураббийимиз диққати ошиб бизларни койиб кетди:

- Мен ҳайрон қоляпман, нега гол урмаяпсизлар? Нега тўррта вазиятни атайлаб урмадинглар? Ким тушунтириб беради, – дея сардоримизга қаради. Ҳамма қилиқ ўзи шундан чиққан эди...

- Устоз... – деди қитмирона кулиб сардоримиз, - “Мен Ўзбекистоннинг энг яхши мураббийиман” десангиз, бўлди, гол урамиз!

Ҳаммамиз енгилгина кулиб, хавотир аралаш устозимизнинг жавобини кутдик.

- Ҳаҳ, сенларни! – деди устозимиз. – Қасос денглар? Қани ҳамманг майдонга чиқда, голингни ур!

Ҳазил охирига етмай қолди. Иккинчи бўлимда янада зўрроқ ўйнай бошладик, тўп оширишлар, хавфли вазиятлар яратишлар... Бир вазиятда яққол гол бўлиши мумкин жойда тўпни бир-биримизга ошириб туравердик... Устозимиз майдон четига келиб бақирди:

- Ҳа, майли! Мен – ўшанақаман!

Шундан кейингина гол урдик. Янада очилиб кетдик. Бир вазиятда ҳужумчимиз дарвозабонни алдаб ўтдида, тўпни очиқ дарвоза олдида тўхтатиб, мураббийимиз томонга қаради. Мураббийимиз бош силкиди: “Теп, теп, мен шунақаман...” Ҳатто бир ҳимоячимиз ўз жарима майдончамиз ичида рақибнинг уч ўйинчисига дриблинг кўрсата бошлади. Тўпни олдириб қўйса, тамом – гол. У ҳам мураббийимизга қараб энг яхши мураббий эканлигини тасдиқлатиб кейин тўпни олдинга оширди.

Мен ҳам четда қолмадим. Бурчакдан ҳаволатиб оширилган тўпга ҳаммадан баланд сакрадим ва устозимизга қарадим, у эса бошини қимирлатди: “уравер, мен шунақаман”. Тўп етиб келгач, уни бошим билан дарвозага жойладим... Дарвозабонимиз ҳам рақиб кучли зарба йўллаганда қайтаришдан олдин устозимизнинг бошини силкитиб, кейин “сейв” қилди.

Биз йирик ҳисобда ютдик. Ўйиндан кейин ҳамма хурсанд. Мураббийимиз бизни уришмади, сўкмади. Мақтамади ҳам. “Яхши, яхши” дерди, холос.

Бир кун дам олганимиздан сўнг яна машғулотга чиқдик. Устозимиз машғулотдан олдин ҳаммамизни сафлаб, деди:

- Хўш, жаноб қасоскорлар, бошлаймиз бўлмаса. Фақат, машғулотларимиз ҳам бугундан бошлаб бошқача бўлади. Энди сиз ўзингизни Жаҳоннинг энг яхши ўйинчиси деб тасаввур қилинг!

Kiritilgan sana: 15.07.2012 19:31. O'kildi: 12227 marta.
Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar.


счётчик