Kirish Ro'yxatdan o'tish
13/08 19:00 Surxon - So‘g‘diyona
13/08 19:00 Andijon - Neftchi
13/08 20:30 Buxoro - OKMK
14/08 19:00 Navbahor - Bunyodkor
14/08 20:00 Dinamo - Xorazm
14/08 20:30 Qizilqum - Mash’al

Blog

Sherzod Rajabov

I love this Game

Qué grande es el fútbol!

Баҳо:
+1; -0

Сарлавҳанинг маъносини бироз кейинроқ ўзингиз тушиниб оласиз, бунга шубҳа йўқ.

Европа футболи бугун тунда бўлиб ўтадиган навбатдаги “Эл Классико” билан овора бўлиб турган пайтда, Испаниянинг кичик бир шаҳарчасида йилнинг энг муҳим сенсацияаларидан бири содир бўлди.

“Мени уйғотиб юборинг, мен туш кўраяпман” – Бугун тонгда мўжазгина, атиги 36 минг аҳолиси бор Мирандес шахрининг ҳар бир фуқароси шундай деган бўлса ажаб эмас. Ҳа, ҳақиқатда бунақасин фақат тушингизда кўришингиз мумкин. Испаниянинг учинчи (!) дивизионида тўп сурувчи “Мирандес” жамоаси Испания кубогининг ярим финалига йўл олди. Нима қилибди, бунақанги сенсациялар тез-тез учраб туради, нимаси ҳайратланарли дейишга шошилманг.

Бу жамоани келаси йил Европа лигаси баҳсларида тўп суришидан биргина қадам ажратиб турибди. Жамоа финалга йўл олса, тамом. “Мирандес” ҳозир шундай бир кучга тўлган, шундай бир важоҳатли жамоага айландики, уларни тўхтатиш учун жуда катта куч талаб этилади, энди. Бу жамоанинг ярим финалга йўл олганлиги энди тарих. Лекин “Мирандес” шу ергача қандай етиб келгани, уларнинг ярим финалгача босиб ўтган машаққатли йўллари ҳаммасидан ҳам қизиқ

“Мирандес” – Испаниянинг Бургос провинциясига қарашли кичкинагина шахарча. Аҳолиси юқорида таъкидлаганидек 36 минг киши. Стадиони эса, ҳудди англиянинг 5-6 дивизиони жамоалари стадионини эслатиб юборади. Стадионнинг (аслида стадион деб ҳам бўлмайди) ярмига 4000 киши жойлаша олади. Ярмида эса ўтирадиган ўриндиқлар йўқ. Туриб томоша қилиш учун мўлжалланган жойлар исталганча топилади.

“Тўнғизлар” – (жамоанинг лақаби шундай)яъни “Мирандес” испания футболида, ўзининг 84 йиллик тарихида 3-дивизондан юқорига кўтарила олмаган. Орада испаниянинг энг қуйи, тўртинчи дивзионига, ундан ҳам пастроқ ҳисобланган регионал лигаларга ҳам бир неча бор тушиб чиққан.

Ҳуллас, “Мирандес” Испания кубоги баҳсларини одатдагидек, 1/128 финалдан бошлади. Дастлаб, қўшнилари бўлмиш “Аморбьета” доғда қолдирилди. Кейинги босқичда, бир пайтлар жаҳон чемпионатида 5 та гол уриб “олтин бутса” соҳибига айланган Олег Саленко тўп сурган “Логроньес” ҳам тиз чўктирилди. Ўзларининг тарихий ва азалий рақиби ҳисобланган “Риоха” устидан қозонилган ғалаба эса “Мирандес”га жуда катта куч берди..

Жамоа бирин кетин, кимсан Ла лига вакилларини мағлуб эта олишди. Аввалига “Виллареал” билан ўз уйида 1:1 ҳисобини қайд этишди. Жавоб учрашувида эса, кутилмаганда мехмонда 2:0 ҳисобида “Виллареал”ни доғда қолдиришди ва Хуан Карлос Гарридони “Виллареал” мураббийлигидан истъфога чиқариб юборишди. Нимчорак финалда эса яна бир Ла лига вакили ҳудду шундай сценарий бўйича ортда қолдирилди. Фақат бу сафар уйда 2:0 ҳисобида ғалаба қозониб, мехмонда 1:1 ҳисобини қайд этишди.

Нвбатдаги рақиб эса Премьеронинг бешинчи жамоаси “Эспаньол” эди. Умуман, бу йилги испания кубоги тақвими барчага катта совға бўди. Нимчорак финалда барча гранд жамоалар бир саватчадан, бироз “бундайроқ” жамоалар эса бошқа саватчадан ўрин олишди. Натижада нариги савтачадаги 8 та жамоанинг 7 таси, Ла Лиганинг кучли 8 лигидаги 7 жамоа жойлашди. Фақатгина “Эспаньол” биринчи саватчага кетди.

Каталония жамоаси “Мирандес” га қарши баҳсга тайёргарлик кўра бошлади. Бу орада, “Эспаньол” мухлислари ўз жамоаларини, учинчи дивизион вакилидан огоҳ бўлишларини, уларга қарши эҳтиёткорона бўлишларини сўраб мурожаат қилшди. Билмадик, ушбу мурожаатлар Ла лиганинг бешинчи жамоасига қай даражада таъсир кўрсатди. Хуллас дастлабки ўйин мухлисларнинг огоҳлантиришлари бекорга эмаслигини исботлади. “Мирандес” рақибини довдиратиб ташлади. Мехмонда ўйнашига қарамай.. “Эспаньол” ўзига келиб олганида ўйиннинг 85-дақиқаси ўтиб борар, таблода эса 0:2 ҳисоби порлаб турарди. Шу пайт мезбонлар жонланди ва қандайдир 4 дақиқа ичида “Мирандес” дарвозасига 3 та тўп киритиб, бир амаллаб ғалабани илиб кетди. Ўйин тугагач, “Мирандес”сардори Пабло Инфанте майсага тиз чўкканича қўлларини мушт қилиб роса ерни урарди..Ахир ҳаммаси яхши кетаётганди, у ажойиб гол урди, унинг жамоаси 85-дақиқада ҳам 2:0 ҳисобида олдинда бораётганди...оқибатда эса аламли мағлубият. Ўша учрашув ўтган ҳафтада агар “Эл Классико” бўлмаганда, ҳафтанинг энг яхши учрашувларидан бири бўлиши мумкин эди. Шундоқ ҳам ўйин анча шов-шув бўлаётганди. Аммо, ўйин тугагач “Сантьаго Бернабео”да бошланиб кетган ўйин Каталониядагаи “триллер”ни унутишга сабабчи бўлди.

Орадан бир ҳафта ўтди. “Мирандес”нинг уй стадиони бўлмиш Миранде де Эброда ҳар қачонгидан ҳам одам кўп бўлди. Айтишларича, стадионга жамоа ташкил этилганидан буён бунчалик кўп мухлис ташриф буюрмаган экан. Энг қизиғи, ушбу ўйин сешанба кунги дастурларда ягона ўйин бўлгани учун, униинг аудиторияси анчага кўпайиб кетган. Ушбу ўйинни деярли бутун испанияга трансляция қилшди. Ўйин тугагач эса....у ёғини сўз билан таърифлаб бўлмайди. Ўз дарвозалариданг биринчи бўлиб тўп олиб чққанларига қарамай, “Мирандес” нафақат ҳисобни тенлаштира олди, балки ҳакам қўшиб берган иккинчи дақиқада, ғалаба тўпини киритиб бутун испания футболида сўнгги йилларнинг энг катта шов-шувини кўтаришга муваффақ бўлди. Бундан 3 йил илгари Мадриднинг “Реал”и бошқа бир учинчи дивизион вакили “Алькоркон”дан 0:4 ҳисобида мағлуб бўлганида ҳам, бунчалик шов-шув бўла олмаганди.

“Мирандес” Испания кубогининг ярим финалида. Жамоа финалга чиқса, Европа лигасига йўлланма олади. Аҳолиси 36 минг киши бўлган, ўз тарихида Ла Лига вакиллари билан ҳам саноқли ўйинлардагина куч синашган жамоага бундан ортиқ баҳт борми?!

Бу ҳали ҳаммаси эмас. “Мирандес” испания кубогининг ярим финал баҳсида “Атлетик”-“Мальорка” жуфтлиги ғолибига қарши майдонга тушади. Ушбу баҳс эса европа лигасига йўлланма берувчи баҳс бўлади. Аслида, Европа лигасига йўл олиш учун кубок финалида ғалаба қозониш талаб этилади. Аммо бу йилги тақвимнинг ўзига ҳослиги, “Мирандес” га ҳам, унинг рақиби бўладиган жамоага ҳам шундай совға тақдим этди. Сабаби нариги саватчадан финалга йўл оладиган жамоа якунда испания чемпионатида кучли тўртликка кириши 99,9 фоизга ҳал бўлиб улгурган. “Барселона”, “Реал”, “Валенсия”, “Леванте” жамоаларидан бири кубок финалида ўйнайди.

“Мирандес”даги ўйин якунига етганини билдирувчи ҳуштак янграши билан, стадион мухлислар билан тўлиб тошиб кетди. Уларнинг севимли футболчилари, фақат тушлардагина орзу қилиш мумкин бўлган нарсани уддалашди. Одамлар стадионнинг ўзида бир-бирлари билан саломлашишар ва ғалаба билан табриклашар эди. Шахар кичкинагина бўлса, ҳамма бир-бирини танийдида!!

Кичкинагина шахарчанинг, кичкинагина жамоаси футболчилари ва уларнинг мухлислари ҳурсандчилигини бутун испания биргаликда баҳам кўрди. Жаҳон чемпионати ва чемпионлар лигасини ютишга муваффақ бўлган бир қатор футболчилар ушбу ўйинн бевосита телевизор қаршисида томоша қилишди. Ўйиндан кейин эса бутун испан матбуоти ва твиттерларда табриклар оғушида қолди...

Харар Пике (Барселона) – “Мирандес” бажариб бўлмайдигандек ишни уддалади. Футбол қанчалар гўзал ва буюк. Уларни чин қалбимдан табриклайман.

Борха Валеро (Виллареал) - Бу футбол.......

Хуан Мата (Челси) – Футболчиларни табриклайман. Ўз жамоаларига бўлган мухаббат, уларни тарихий ғалабаларга олиб келди.

Мичу (Райо Вальекано) – Ох, нақадар гўзалсан футбол...Мен бу жамоанинг кубокни ютиб олишини истайман.

Исаак Куэнка (Барселона) – Буни футбол дейдилар. Пабло Инфанте нақадар ажойиб сардор. “Мирандес” мухлисларига ҳавасим келайпти...

Сеск Фабрегас – Нақадар ажойиб. “Мирандес” футболчилари тоғни ағдаришди.

Ҳуллас, Que grande es el futbol! – Нақадар ажойиб ва бетакрорсан...футбол!

Киритилган сана: 25.01.2012 17:00. Ўкилди: 14763 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.


счётчик