Cardorbek Yusupov
Erkin zarba!
Германия терма жамоаси футболчилари нега мадҳияни куйлашмади?
| Баҳо: |
+2; -0
|
Терма жамоалар ўртасида ўтказиладиган футбол учрашувларига меҳрим ўзгача. Айниқса ўйин олдидан давлат мадҳияларини янграши, футболчилар, мураббийлар штаби ва мухлисларни жўр овоз бўлиб уни куйлаши менга ёқади. Бу тартибни ким тадбиқ этганини билмадиму, лекин мадҳия ўйинга ўзгача – тантанавор рух бағишлайди, спортчиларни Ватан шаънини ҳимоя қилишга, курашга чорлайди, қалбларни тўлқинлантиради.
Мадҳия ижро этилаётган пайтда футболчиларни кузатаман, баъзилар баланд овозда, кўзларини юмиб, уни берилиб куйлашади, бошқалари лабларини қимирлатиб, пичирлаб туришади, кимлардир эса оғзини юмиб, жимгина тураверади.
Кеча бўлиб ўтган Германия ва Португалия терма жамоалари ўртасидаги ўйиндан олдин, “Бундестим” футболчиларидан Сами Хедира, Месут Ўзил, Жером Боатенг ва Лукас Подольски мадҳияни куйлашмади, оғзига толқон солиб олгандек, жимгина тураверишди. Тўғри, Хедира – араб, Ўзил – турк, Боатенг – Ганалик ва Подольски – поляк бўлганлиги учун шундай қилишган бўлиши мумкин. Улар Германия терма жамоаси аъзолари бўлишсада, ўзларини бошқа миллат вакили ва бошқа Ватан билан боғлашлари сабабли бу ишни барчага кўз-кўз қилишганини тушунса бўлади. Лекин нега уларни“ватанпарварлик туйғуси” йўқлиги билан айблашимиз керак?
Бундан бир неча йил олдин, терма жамоаларимизнинг нурсиз ўйинлари сабаби таҳлил қилинар экан, баъзилар буни футболчиларнинг мадҳиямиз сўзларини билмаслиги ва уни куйламаслиги, натижада эса ватанпарвар эмаслиги ва Ватан учун жонини жабборга бериб ўйнамаслигини сабаб қилиб кўрсатишди. Натижада футболчилар ва мураббийларга қарши турли айбловлар қўйилиб, босим ўтказила бошланди. “Мадҳияни сўзини билмайдиган ва уни куйламайдиган футболчи ўз ватани шаънини муносиб ҳимоя қила оладими? Ундан ҳақиқий ватанпарвар чиқадими?” – деган саволлар билан матбуот анжуманларида бу нарсага эътибор кучайтирилди ва мураббийларимиз таъна ва дашномлардан қўрқиб, футболчилардан мадҳияни ёдлаш ва куйлашни талаб қила бошладилар. Оқибатда барча ёшдаги терма жамоаларимизда футболчиларимиз ва мураббийлар учун мадҳияниёдлаш ва ўйиндан олдин баланд овозда куйлаш йўлга қўйилди, лекин натижалар ҳамон ўша-ўшалигича қолдику?
Мадҳияни куйламаслик омманинг эътиборидан четда қолмаслигини футболчиларни ўзлари ҳам жуда яхши тушунишади. Баъзилар буни мадҳия сўзларини билмасликка йўйишади, буни хеч ажабланарли томони йўқ. Аксарият футболчилар савод масаласида жуда оқсашади, сабаби - ёшлигида улар ё мактабни, ё футболни танлашлари керак бўлган. Баъзилари мадҳияни қалбдан куйлашларини айтишади, буни ҳам тушунса бўлади. Мадҳияни баланд овозда айтинг деб хеч қаерда ёзиб қўйилмаган. Баъзилари эса буни атайлаб қилишлади, юқорида айтилган футболчилар мисолида, ўз миллати ва тарихий ватанини хурмат қилишларини баҳона қилишади.
Менимча, спортдаги хақиқий ватанпарварлик – мадҳияни барчадан баланд овозда куйлашда эмас, балки майдонда хақиқий жонбозлик билан курашишда, қийинчилик ва оғриқларга сабр бардош билан чидаб, бор кучи ва маҳоратини ишга солишдадир!
Мухтарам футболчилар, майли, мадҳияни сўзларини билмаслигингиз мумкин, уни ичингизда куйлашингизга ҳам розимиз, тарихий ватанингиз сабабли бу мадҳияни куйлай олмаслигингизни ҳам тушунамиз, лекин бу терма жамоа либосини кияр экансиз (бу хитоб футболчиларимизга ҳам тааллуқли!), майдонга тушишингиз билан бор куч ва маҳоратингизни ишга солиб, тўп тепишингизни, ғалаба учун мардларча курашиб,жонбозлик кўрсатишингизни, ҳалол ўйнашингизни талаб қиламиз. Ҳақиқий ватанпарварлик мана шунда!
Мадҳияни хурмат қилишга барча мажбур, лекин уни ёдлаш ёки ёдламаслик, куйлаш ёки куйламаслик эса, хар бир фуқаронинг шахсий иши, ҳар кимнинг ўз виждонига ҳаволадир. Бунга шундай нуқтаи назарда ёндашсак тўғри бўларди.
Айтганча, Германия ва Португалия терма жамоалари ўртасидаги ўйин “бундестим”нинг кичик ҳисобдаги ғалабаси билан тугади ва Месут Ўзил учрашувнинг энг яхши футболчиси дея тан олинди.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
МУАЛЛИФНИНГ БОШҚА МАҚОЛАЛАРИ
- Отамдан қолган радио қани?
- Нега Магометов кубокни Зоминга олиб борди?
- ЖЧ-2014 саралаш ўйинлари. Сўнгги савол.
- УЕФА, қўйни ўз ҳолига қўй!
- Оқ йўл - "Hawk-Eye" ва "GoalRef"!
- Миржалол Қосимов олдига қандай вазифа қўйилган эди?
- "Футбол шарҳи"га чақириқ: "Эрматов мавзуси айбдорлари ким?"
- Мурод Отажонов учун "Уткин style!"
- Ажойиб футболчи, бироқ ношуд мураббийлар
- Олибсотарлар шаҳри
- Испания четроққа ўтсин, Гибралтар келмоқда!
- Энди биз телевизорда футбол кўра олмаймизми?
- Янги қўшма чемпионат: Осиё суперлигаси!
- Германия терма жамоаси футболчилари нега мадҳияни куйлашмади?
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
