Bugun Futbol TV telekanali jonli efirida Pro liganing yangi mavsumiga qur’a tashlanadi. Unda jamoalar Berger tizimi asosida o‘z raqiblarini bilib oladi.

“Buxoro” hamda “G‘ijduvon” jamoalari mavsum startidagi ayrim uy uchrashuvlarini bitta stadionda o‘tkazishi ehtimoli mavjud ekani, qolaversa bir viloyat sharafini himoya qiladigan jamoalar bir kunda 2 ta uy uchrashuvi o‘tkazishini oldini olish maqsadida yuqoridagi ikki klub o‘zaro juftlikni xosil qiladi. Shu orqali bir tur doirasida mazkur jamoalarning biri safarda, ikkinchisi esa uyda o‘ynashi ta’minlanadi.

Qur’ada sharchalarni tortish aynan mana shu jamoalardan boshlanadi. Bergerga ko‘ra, quyidagi raqamlar o‘zaro juft hisoblanadi:

1-6

2-7

3-8

4-9

5-10

Ma’lumot uchun. Agar juftlikka ajratib olingan jamoalarga 3 yoki 8 raqamlaridan biri tushsa, ushbu ikki klub 1-turdayoq to‘qnash keladi. Qolgan kombinatsiyalarda bunday holat kuzatilmaydi.