Бугун Futbol TV телеканали жонли эфирида Про лиганинг янги мавсумига қуръа ташланади. Унда жамоалар Бергер тизими асосида ўз рақибларини билиб олади.

“Бухоро” ҳамда “Ғиждувон” жамоалари мавсум стартидаги айрим уй учрашувларини битта стадионда ўтказиши эҳтимоли мавжуд экани, қолаверса бир вилоят шарафини ҳимоя қиладиган жамоалар бир кунда 2 та уй учрашуви ўтказишини олдини олиш мақсадида юқоридаги икки клуб ўзаро жуфтликни хосил қилади. Шу орқали бир тур доирасида мазкур жамоаларнинг бири сафарда, иккинчиси эса уйда ўйнаши таъминланади.

Қуръада шарчаларни тортиш айнан мана шу жамоалардан бошланади. Бергерга кўра, қуйидаги рақамлар ўзаро жуфт ҳисобланади:

1-6

2-7

3-8

4-9

5-10

Маълумот учун. Агар жуфтликка ажратиб олинган жамоаларга 3 ёки 8 рақамларидан бири тушса, ушбу икки клуб 1-турдаёқ тўқнаш келади. Қолган комбинатсияларда бундай ҳолат кузатилмайди.