"Arsenal"ning sobiq futbolchisi Bakari Sanya jamoani yangi hujumchi sotib olishga chaqirdi. U shunday deydi:
"Hozirgi vaziyatni hamma ko‘rib turibdi. Ha, ayni damdagi hujum - Lyakazett bilan ishonchli. Lyakazettni nimalarga qodir ekanini hammamiz bilamiz. Ammo u biroz orqaroqda o‘ynashga majbur bo‘lmoqda, bog‘lovchi vazifasida yaxshi harakat qilmoqda. Shu sabab klub sof to‘qqizinchi raqamga mos hujumchi sotib olishi kerak. U hujumchi faqat jarima maydonchasi ichida o‘z vazifasini bajarsin. Menimcha, hozir Olivye Jiruga o‘xshash futbolchi juda ham jamoaga zarur bo‘lib turibdi".
Eslatib o‘tamiz, bugun "Arsenal" o‘z maydonida "Brentford"ni qabul qiladi.
