"Арсенал"нинг собиқ футболчиси Бакари Санья жамоани янги ҳужумчи сотиб олишга чақирди. У шундай дейди:
"Ҳозирги вазиятни ҳамма кўриб турибди. Ҳа, айни дамдаги ҳужум - Ляказетт билан ишончли. Ляказеттни нималарга қодир эканини ҳаммамиз биламиз. Аммо у бироз орқароқда ўйнашга мажбур бўлмоқда, боғловчи вазифасида яхши ҳаракат қилмоқда. Шу сабаб клуб соф тўққизинчи рақамга мос ҳужумчи сотиб олиши керак. У ҳужумчи фақат жарима майдончаси ичида ўз вазифасини бажарсин. Менимча, ҳозир Оливье Жируга ўхшаш футболчи жуда ҳам жамоага зарур бўлиб турибди".
Эслатиб ўтамиз, бугун "Арсенал" ўз майдонида "Брентфорд"ни қабул қилади.
