Ушбу мавсумдан “Оқ-тепа” либосида тўп сураётган иқтидорли ҳужумчи Темур Ҳакимов Бахтиёр Ашурматов мураббийлигидаги Ўзбекистон олимпия терма жамоасидан таклиф олди.
Терма жамоамиз 4-6 май кунлари Тошкентда ўқув-йиғин машғулотларини ўтказади. Мазкур йиғин давомида Қирғизистон олимпиячиларига қарши 2та назорат учрашуви ўтказилиши ҳам режалаштирилган.
Биз ўз вақтида турли ёшдаги терма жамоалар сафида тўп сурган Темур Ҳакимовга олимпия термаси сафида ҳам ўз ўрнини топиб олишини тилаб қоламиз!
Айрим тушунмовчиликлар келиб чиқмаслигини инобатга олган ҳолда эслатиб ўтамиз, Ҳакимов ҳуқуқий жиҳатдан “Оқ-тепа” жамоасига тегишли. Клуб билан амалда шартномаси бор.
