Давралар оралиғида жамоамиз таркибига қўшилган футболчилар 16-тур олдидан ПФЛда рўйхатдан ўтказилди.
Мураббийлар қарорига кўра “Навбаҳор” жамоаси билан шартнома имзолаган Артур Парванов, Мурод Тўйчибоев, Владислав Алексин (ҳммаси “Норин”), Абдумалик Абдуллаев, Ислом Исоқжонов (иккаласи ҳам “Андижон”). Владислав Нуриев (“Обод”), Илҳом Бойдедаев (“Нефтчи”), Руслан Вагапов (“Олмалиқ”), Билол Шарофиддинов (“Хотира-79”)лар иккинчи даврани жамоамизда ўтказадиган бўлишди. Бундан ташқари жароҳат туфайли чемпионатда иштирок эта олмаётган Ғайрат Жўраев ҳам иккинчи давра олдидан ПФЛдан рўйхатдан ўтказилди. Айни пайтда жамоамиз билан бирга бўлиб турган россиялик футболчи Дорджи Сангаджиевни масаласи ҳозирча очиқ турибди. Гондурас ва Коста-Рика мамлакатидан таклиф этилган футболчилар ҳозирча таркибга қўшилишганича йўқ. Куни-кеча жамоага қўшилган Алишер Зиёвиддиновнинг рўйхатдан ўтказиш ишлари бугун якунига етказилади. Эслатиб ўтамиз, давралар оралиғидаги трансфер дарчаси 8 августга қадар очиқ бўлади. Бу эса юқоридаги муддатга қадар янги футболчиларни рўйхатдан ўтказиш имконини беради.
