Нидерландия касаба уюшмалари федерацияси ФИФА ташкилотидан Қатарда бўлиб ўтадиган ЖЧ-2022 иншоотларининг қурилишидаги қонунбузарликларга эътибор қаратишни талаб қилди.
Хусусан, федерация бангладешлик қурувчи Надим Шарафул Аламнинг ҳуқуқлари бузилгани сабабли, унга 5 минг франк тўлашни сўради, деб хабар бермоқда The Guardian.
Агар ФИФА президенти Жанни Инфантино бу талабни инкор қилса, касаба уюшмалари халқаро судга мурожаат қилишини маълум қилди.
Касаба уюшмаси ходимлари Қатардаги қурилишларда кўплаб қонунбузарликларни аниқлаган. Агар Алам судда ютиб чиқадиган бўлса, бошқа ишчилар ҳам ўз ҳуқуқларини поймол қилинганини талаб қилиб, ташкилотчилардан катта маблағ ундириб олишлари мумкин бўлади.
