Испания чемпионатининг учинчи дивизиони вакили – «Култураль Леонеса» клуби футболчилари Испания Кубоги 1/16 финалига қуръа ташлаш натижасига кўра Мадриднинг «Реал» жамоасига қарши баҳс юритадиган бўлди. Қуйи дивизоин вакиллари ушбу ҳодисани катта хурсандчилик билан кутиб олди, деб хабар бермоқда «Sports.ru».
Жамоалар ўртасидаги дастлабки учрашув 26 октябрь куни «Култураль Леонеса» майдонида, Леон шаҳридаги сиғими 13 500 мухлисга мўлжалланган стадионда бўлиб ўтади. Клуб ушбу учрашувдан яхшигина фойда кўришни кўзламоқда.
Жавоб ўйини 1 декабрга ўтар кечаси «Реал»га тегишли «Сантьяго Бернабеу» стадионида ўтказилади. «Култураль Леонеса» сафарда ўйнашига қарамай, фойданинг бир қисмига эга бўлади.
