"Manchester Siti" klubi va Argentina terma jamoasi hujumchisi Serxio Aguero Lionel Messi bilan do‘stligi va tanishuvi haqida hikoya qildi.
"O‘smirlar terma jamoasida (U-20) birga tushlik qildik, Lionel yonimda o‘tirgan edi. Jamoadoshlarimiz u Amerikadan olib kelganbutsani muhokama qilar edi. Men u bularni qanday olib kelgani va umuman bu yigitning kimliginiga qiziqdim.
Men unda ismini so‘radim. U: "Lionel. Lionel Messi" dedi. Men uning kimligini ham bilmasdim. Men shunchaki, butsalarni qanday olib kelganini bilmoqchi edim.
Shunda kimdir menga "Uni taniysanmi? Bu Messi, "Barselona"dan" dedi. Shunda uning kimligini bildim. Bir narsani aytishim mumkin - u mening kimligimni bilardi!
Leoning qanday yaxshi insonligini bilish uchun u bilan salomlashishning o‘zi kifoya. Ko‘pchilik buni bilmaydi, chunki u buni TV yoki omma oldida ko‘rsatishni xush ko‘rmaydi.
U oddiy yigit. U davrabop yigit va istalgan argentinalik singari hazilni yaxshi ko‘radi. Leo hamma bilan xushmuomala, u oddiy inson.
Faqat futbol maydonida oddiy bo‘lmay qoladi. Messi dunyoda eng zo‘ri.
Buni u mening do‘stim bo‘lgani uchun aytayotganim yo‘q. Men u bilan shug‘ullanaman va hammasiga guvoh bo‘lganman. Men uning boshqalar bajara olmaydigan ishlarini ko‘rganman. U eng zo‘ri", - deydi Aguero.
