Bugun “Bunyodkor” akademiyasiga qarashli maydonda “Navbahor” va “Olmaliq” jamoalari o‘rtasida nazorat o‘yini o‘tkazildi.
Uchrashuvning dastlabki 45 daqiqasida hisob ochilmadi. Ikkinchi bo‘lim o‘rtalarida Alisher Mahmudov Azizbek Turg‘unboyevning o‘ng qanotdan oshirib bergan to‘pini darvozaga yo‘llab hisobni ochdi. Uchrashuv yakuniga qadar ushbu hisob saqlanib qoldi Shu tariqa «Navbahor» 2017 yildagi dastlabki nazorat o‘yinida 1:0 hisobidagi g‘alabani qo‘lga kiritdi.
«Navbahor» o‘yinni quyidagi tarkibda o‘tkazdi: Akmal Tursunboyev, G‘iyos Komilov, Hasanboy Ergashev, Abbos Otaxonov, Tohir Shamsitdinov, A’zam Aliyev, Dilshod Jabborov, Zohir Pirimov, Islom Isoqjonov, Farruh Shotursunov, Ravshan Xursanov. Zaxiradan maydonga tushganlar: Alisher Mahmudov, Alisher Samatov, Alisher Mirzayev, Ilhom Boydedayev, Azizbek Turg‘unboyev, Abdulaziz Sultanov.
“Olmaliq” bilan o‘tgan uchrashuvda jamoa safiga bugun kelib qo‘shilganliklari uchun Jahongir Mehmonov va Ro‘zimboy Ahmedov maydonga tushmadi. Shuningdek, Mirzohid G‘ofurov ham o‘yinni kuzatish bilan cheklandi. Ertadan «Navbahor» a’zolari yana ikki mahaldan shug‘ullanishni davom ettirishadi. Navbatdagi nazorat o‘yini esa 13 yanvar kuni Muborakning “Mash’al” klubiga qarshi o‘tkaziladi.
