Ispaniya hakamlar qo‘mitasi rahbari Viktoriano Sanches Arminio «Barselona» himoyachisi Jerar Pike ustidan Futbol federasiyasiga shikoyat qildi.
AS xabariga ko‘ra, Pikening «Atletik» (1:2) va "Vilyarreal" (1:1) klublariga qarshi o‘yindan keyin hakamlar borasida aytgan gaplari yuzasida ikkita shikoyat jo‘natilgan. Federasiya bu shikoyatlarni bir oy ichida ko‘rib chiqadi.
Eslatib o‘tamiz, Bilbaodagi o‘yindan so‘ng Pike Neymarga nisbatan qoida buzilgan vaziyatda penalti belgilanmaganidan, «Vilyarreal»ga qarshi o‘yindan so‘ng esa «Barselona»ga jarima to‘pi tepish huquqi bermlmayotganidan norozi bo‘lib gapirgandi.
