"Bavariya" yarimhimoyachisi Aryen Robben myunxenliklar bilan yangi shartnoma imzoladi.
Klub matuot xizmatining xabariga ko‘ra, gollandiyalik 32 yoshli futbolchi kelgusi mavsumning oxirigacha "Bavariya"da qoladigan bo‘ldi. Robben ushbu mavsumda 14 uchrashuvda 6ta gol urgan va 6ta golga to‘p oshirgan.
"Yana bir yil "Bavariya"da o‘ynashimdan baxtiyorman. Bu klub dunyoning eng yaxshi klublaridan biridir. Myunxen mening ikkinchi uyimga aylandi. Eng yuqori saviyada o‘ynashda davom etaman va qancha sovrin yuta olsak, hammasiga erishmoqchiman", - deydi Robben.
