Hujumchi Serxio Aguero «Manchester Siti» klubini tark etishi mumkin.
Yahoo! Sport xabariga ko‘ra, bosh murabbiy Xosep Gvardiola foydali taklif bo‘lsa, futbolchini sotishga tayyor.
Ispaniyalik murabbiy 22 o‘yinda urilgan 18 goliga qaramay, Agueroni o‘zining o‘yin uslubiga mos emas deb hisoblamoqda. Bundan tashqari, futbolchida mushak jarohatiga moyillik bor. Bu esa uni muhim o‘yinlarda maydonga tushishiga to‘sqinlik qilishi mumkin. Jamoa rahbariyati futbolchining intizomsizligidan ham norozi.
Aguero APLda eng ko‘p maosh oluvchi futbolchilardan biri hisoblanadi. Uning sotib yuborilishi klub g‘aznasini ancha muncha xarajatdan saqlab qoladi.
Gvardiolaning fikriga ko‘ra, «Siti» klubiga yaqinda kelib qo‘shilgan Gabriel Jezus Augeroni o‘rnini bosa oladi.
