Ҳужумчи Серхио Агуэро «Манчестер Сити» клубини тарк этиши мумкин.
Yahoo! Sport хабарига кўра, бош мураббий Хосеп Гвардиола фойдали таклиф бўлса, футболчини сотишга тайёр.
Испаниялик мураббий 22 ўйинда урилган 18 голига қарамай, Агуэрони ўзининг ўйин услубига мос эмас деб ҳисобламоқда. Бундан ташқари, футболчида мушак жароҳатига мойиллик бор. Бу эса уни муҳим ўйинларда майдонга тушишига тўсқинлик қилиши мумкин. Жамоа раҳбарияти футболчининг интизомсизлигидан ҳам норози.
Агуэро АПЛда энг кўп маош олувчи футболчилардан бири ҳисобланади. Унинг сотиб юборилиши клуб ғазнасини анча мунча харажатдан сақлаб қолади.
Гвардиоланинг фикрига кўра, «Сити» клубига яқинда келиб қўшилган Габриэл Жезус Аугэрони ўрнини боса олади.
