«Интер» ҳимоячиси Алессандро Бастонининг «Барселона»га эҳтимолий трансфери амалга ошмади, чунки «кўк-анорранглилар» бош мураббийи Ханс-Дитер Флик 27 ёшли футболчи номзодини маъқулламади. Бу ҳақда Sport.es нашри журналист Маттео Мореттога таяниб хабар бермоқда.

Манба берган маълумотларга кўра, германиялик мутахассис Бастонининг техник кўрсаткичлари унга кучли прессинг остида юқори интенсивлиқда ўйнаш имконини беришига шубҳа қилмоқда. Шу сабабли, Каталония клуби спорт директори Деку бошқа вариантларни ўрганишни бошлади.

Аввалроқ Моретто Флик Бастонининг сифатларини баҳолаш билан шуғулланаётгани ҳақида хабар берган эди. Шунингдек, ОАВда Бастонининг «Интер»дан «Барселона»га трансфер суммаси 50–60 миллион еврони ташкил қилиши мумкинлиги айтилганди.