«Inter» himoyachisi Alessandro Bastonining «Barselona»ga ehtimoliy transferi amalga oshmadi, chunki «ko‘k-anorranglilar» bosh murabbiyi Xans-Diter Flik 27 yoshli futbolchi nomzodini ma’qullamadi. Bu haqda Sport.es nashri jurnalist Matteo Morettoga tayanib xabar bermoqda.
Manba bergan ma’lumotlarga ko‘ra, germaniyalik mutaxassis Bastonining texnik ko‘rsatkichlari unga kuchli pressing ostida yuqori intensivliqda o‘ynash imkonini berishiga shubha qilmoqda. Shu sababli, Kataloniya klubi sport direktori Deku boshqa variantlarni o‘rganishni boshladi.
Avvalroq Moretto Flik Bastonining sifatlarini baholash bilan shug‘ullanayotgani haqida xabar bergan edi. Shuningdek, OAVda Bastonining «Inter»dan «Barselona»ga transfer summasi 50–60 million yevroni tashkil qilishi mumkinligi aytilgandi.
