"Barselona" yarimhimoyachisi Ivan Rakitich kataloniyaliklar safidagi kelajagi borasida fikr bildirdi.
Avvalroq OAV xorvatiyalik futbolchi faoliyatini "Manchester Siti" yoki "Yuventus"da davom ettirishi mumkinligi haqida yozishgan edi.
"Barselona"da butunlay qolish - mening orzum. Agentim Arturo Kanales va klub prezidenti ikki tomonni to‘liq qoniqtiradigan shartnoma borasida muzokara olib bormoqdalar.
Men "Barselona"ning shartnomani uzaytirish taklifiga rozi bo‘ldim - biz muzokara olib boryapmiz. Men klubda qolishimga ishonaman. Arturo Kanales va Xosep Bartomeu kelisha olishlariga ishonaman", - deydi Rakitich.
Rakitich, ushbu mavsumda primeraning 14 uchrashuvida 2ta gol urgan va 3ta golga to‘p oshirgan.