"Барселона" яримҳимоячиси Иван Ракитич каталонияликлар сафидаги келажаги борасида фикр билдирди.
Аввалроқ ОАВ хорватиялик футболчи фаолиятини "Манчестер Сити" ёки "Ювентус"да давом эттириши мумкинлиги ҳақида ёзишган эди.
"Барселона"да бутунлай қолиш - менинг орзум. Агентим Артуро Каналес ва клуб президенти икки томонни тўлиқ қониқтирадиган шартнома борасида музокара олиб бормоқдалар.
Мен "Барселона"нинг шартномани узайтириш таклифига рози бўлдим - биз музокара олиб боряпмиз. Мен клубда қолишимга ишонаман. Артуро Каналес ва Хосеп Бартомеу келиша олишларига ишонаман", - дейди Ракитич.
Ракитич, ушбу мавсумда примеранинг 14 учрашувида 2та гол урган ва 3та голга тўп оширган.
