Futbol bo‘yicha Osiyo chempionlar ligasining 2017 yilgi mavsumi start oldi va o‘tish bosqichidagi birinchi uchrashuv o‘z yakuniga yetdi.
Unga ko‘ra, Filippinning «Global» klubi o‘z maydonida Singapur jamoasini qabul qildi va g‘alabasi evaziga pley-off raundiga yo‘llanma oldi.
Osiyo chempionlar ligasi
O‘tish bosqichi
31 yanvar, seshanba
«Global» (Filippin) — «Tampines Rovers» (Singapur) 2:0
Gollar: Ahmad Azzavi, 61 (1:0). Misah Bahadoran, 73 (2:0).
Qarshining «Nasaf» klubi ham chempionlar ligasining guruh bosqichiga yo‘llanma olish uchun avvaliga o‘tish, keyinroq pley-off bosqichida muvaffaqiyat qozonishi kerak. 31 yanvar kuni Ro‘ziqul Berdiyev boshqaruvidagi jamoa Bahraynning «Al-Hidd» klubi bilan bellashadi.
Uchrashuv Toshkentdagi «Bunyodkor» stadionida bo‘lib o‘tadi va u 16:00 da start oladi.
