Bugun “Sevinch” jamoasi mini futbol bo‘yicha XIII O‘zbekiston chempionati 1-tur doirasidagi so‘nggi uchrashuvni G‘uzorning “Sho‘rtan Lady” jamoasiga qarshi o‘tkazdi.
Uchrashuv qiziqarli tarzda kechdi. Undagi dastlabki golni Nilufar Qudratova 13-daqiqada urdi. Oradan besh daqiqa o‘tib, Maftuna Panjiyeva penaltidan hisobni yiriklashtirdi. Birinchi bo‘lim kurashlarga boy o‘tgan bo‘lsada, maydonda harakat qilgan har ikkala jamoa futbolchilari darvozani boshqa nishonga ololmadi. Ikkinchi bo‘lim ham birinchi bo‘lim kabi qiziqarli kechdi. Faqat bu bo‘limda Maftuna Shoimovaga gol urish nasib etdi.
Shunday qilib, 1-turda “Sevinch” to‘rt uchrashuv o‘tkazdi, uchta uchrashuvda g‘alaba va bir uchrashuvda durang qayd etdi. To‘plagan ochkolari soni 10taga yetdi. O‘yinchilar raqiblar darvozasini 23 marta ishg‘ol qilishdi va o‘z darvozalaridan 5ta to‘p olib chiqishdi.
Chempionatning navbatdagi turi 13 fevraldan 16 fevralgacha bo‘lib o‘tadi. «Sevinch» 13 fevral kuni Nukusning “Qirq qiz” jamoasi bilan bahs olib boradi.
Mini futbol bo‘yicha XIII O‘zbekiston chempionati.
Dastlabki bosqich, 1-tur
«Sho‘rtan Lady» (G‘uzor) – “Sevinch” (Qarshi) 1:3 (0:2)
Toshkent sh., “Yoshlik” sport arenasi. 27.01.2017 yil
Hakamlar: Edita Mirobidova, Lyudmila Geyger, Aleksandra Konchikova, Anna Sidorova.
Gollar: Baxtishoda To‘xtayeva, 30′-1:2 – Nilufar Qudratova, 13′-0:1, Maftuna Panjiyeva, Maftuna Shoimova, 33’-1:3.
«Sho‘rtan Lady»: 23.Sarvinoz Ergasheva, 6.Zebo Jo‘rayeva (s), 19.Dildora Ergasheva, 18.Maftuna Jo‘rayeva, 7.Uldona To‘xtayeva, 5.Baxtishoda To‘xtayeva, 3.YUlduz Shodiyeva, 11.Fazilat Baxramova, 2.Muxlis Mirzayorova, 17.Sarvinoz Nazarova, 1.Zarina Saidova.
“Sevinch”: 1.Laylo Tilavova, 12.Matluba Abdirasulova, 25.Maftuna Shoimova, 8.Kamola Riskiyeva (s), 17.Tanzilya Zarbiyeva, 10.Ilvina Ablyakimova, 27.SHodiya Tosheva, 77.Nilufar Qudratova, 37.Malika Burxonova, 20.Maftuna Panjiyeva, 7.SHoira Qulto‘rayeva, 11.SHaxzoda Jamolova, 15.SHoxida Tojiddinova, 9.Sevara Normurodova.
