Tez orada, futbol o‘yinlaridagi sariq kartochkalar bekor qilinib, uning o‘rniga qoidabuzarlikda aybdor futbolchini vaqtinchalik chetlatish qoidasi joriy qilinishi mumkin.
Futbol assosiasiyalari xalqaro kengashi (IFAB) 3 mart kuni, Londonda o‘tkaziladigan umumiy yig‘ilishda, UYEFA qaramog‘idagi musobaqalarda, sariq kartochka o‘rniga, vaqtinchalik chetlatishni joriy etilishi masalasini muhokama qiladi.
IFAB yangi qoidani o‘smirlar va yoshlar o‘rtasidagi musobaqalarda sinab ko‘rishni taklif qiladi. Sinovlar uch yil davomida o‘tkaziladi.