Тез орада, футбол ўйинларидаги сариқ карточкалар бекор қилиниб, унинг ўрнига қоидабузарликда айбдор футболчини вақтинчалик четлатиш қоидаси жорий қилиниши мумкин.
Футбол ассоциациялари халқаро кенгаши (IFAB) 3 март куни, Лондонда ўтказиладиган умумий йиғилишда, УЕФА қарамоғидаги мусобақаларда, сариқ карточка ўрнига, вақтинчалик четлатишни жорий этилиши масаласини муҳокама қилади.
IFAB янги қоидани ўсмирлар ва ёшлар ўртасидаги мусобақаларда синаб кўришни таклиф қилади. Синовлар уч йил давомида ўтказилади.