"Манчестер Сити" Чемпионлар Лигаси умумий босқичининг 7-турида "Будё-Глимт" меҳмони бўлиб, 1:3 ҳисобида имкониятни бой берди.
Биринчи бўлимда меҳмонлар икки дақиқа ичида иккита гол ўтказиб юборишди, Каспер Хег 22 ва 24-дақиқаларда дубль қайд этди. "Милан"нинг собиқ футболчиси Йенс Хауге 58-дақиқада ҳисобни йирик кўринишга олиб келди.
60-дақиқада "шаҳарликлар" Райан Шеркининг голи эвазига орадаги фарқни биттага қисқартиришди, аммо икки дақиқадан бир киши кам бўлиб қолишди. Родри иккита сариқ карточка олди.
Инглиз клуби сафида ҳамюртимиз Абдуқодир Ҳусанов асосий таркибда майдонга тушди ва тўлиқ 90 дақиқа ҳаракат қилди.
"Манчестер Сити" (13 очко) турнир жадвалида тўртинчи ўринда бормоқда. "Будё-Глимт" (6 очко) умумий босқичдаги илк ғалабасини қўлга киритиб, 26-ўринга кўтарилиб олди.
Норвегия клуби кейинги турда 28 январь куни "Атлетико" меҳмони бўлади. Хосеп Гвардиола жамоаси шу куни Манчестерда "Галатасарой"ни қабул қилади.
Будё-Глимт - Манчестер Сити - 3:1
Голлар: Хег, 22 (1:0). Хег, 24 (2:0). Хауге, 58 (3:0). Шерки, 60 (3:1)
Будё-Глимт: Хайкин, Бьеркан, Гундерсен, Бьертуфт, Сьевольд, Фет (Мяяття, 82), Берг, Эвьен (Сальтнес, 76), Хауге, Хег (Хельмерсен, 76), Бломберг (Эукленн, 76)
Манчестер Сити: Доннарумма, Аит Нури, Аллейн, Абдуқодир Ҳусанов, Льюис, О`Райли, Родри, Рейндерс, Шерки, Холанд, Фоден (Мармуш, 70)
Огоҳлантиришлар: Родри, 61. Шерки, 90
Четлатиш: Родри, 62 (иккинчи сариқ карточка)
