"Спортинг" ҳужумчиси Луис Суарес Чемпионлар лигаси умумий босқичи 7-турида "ПСЖ" устидан қўлга киритилган ғалаба (2:1) ҳақида фикр билдирди.

"Бизни жуда қийин ўйин кутаётганини билардик. Шунга қарамай, тинмай меҳнат қилишда давом этдик. Охир-оқибат жуда қувончли лаҳзаларни бошдан кечиришга муваффақ бўлдик. "ПСЖ" ҳисобни тенглаштирганидан кейин ҳам бизда яна бир имконият бўлиши мумкинлигини ҳис қилдик. Бугунги ҳимоядаги ўйинимиз феноменал даражада бўлди. Бундай учрашувларда бу ҳал қилувчи аҳамиятга эга. Майдонда бироз қийинчиликка чидаб, ўз пайтимизни кута олишимиз керак. Энди Бильбаода умумий босқични энг яхши тарзда якунлашни истаймиз. У ерда ажойиб стадион ва мухлислар борлигини биламан", — дея Суареснинг сўзларини келтирди UEFA матбуот хизмати.