Shu kunlarda Toshkent shahrida qilichbozlik bo‘yicha O‘zbekiston chempionati musobaqasi bo‘lib o‘tmoqda. 16 yoshgacha bo‘lgan yosh sportchilar orasida o‘tayotgan turnirda Respublikamizning turli viloyatlaridan tashrif 300 ga yaqin ishtirokchi o‘z kuchini sinab ko‘rmoqda.
Bugungi kunda O‘zbekiston Qilichbozlik Federasiyasi mamlakatimizning barcha viloyatlarida faollik bilan ish olib bormoqda. 2 fevral kuni Toshkentdagi “Qilichbozlik majmuasida” start olgan O‘zbekiston chempionati 16 yoshgacha bo‘lgan sportchilar orasidan kuchlilarni saralamoqda. Turnir 3 yo‘nalishda – shamshir, rapira hamda shpaga bo‘yicha bo‘lib o‘tmoqda. Hozirda barcha yo‘nalishlarda saralash bahslari davom etmoqda. Jumladan, 4 fevral kuni rapira bo‘yicha yakkalik bahslarida to‘qnashuvlar o‘tkazildi. Qilichbozlik sport turi yoshlar orasida ommalashib borar ekan O‘zbekiston Qilichbozlik Federasiya ushbu sport turi bilan shug‘ullanuvlarga barcha imkoniyatlar yaratish uchun harakat qilmoqda. Hozirda, O‘zbekiston terma jamoasining turli yoshdagi tarkiblari Germaniya, Polsha va Rossiya kabi ushbu sport turida yetakchi bo‘lgan mamlakatlarda musobaqalarda ishtirok etish hamda mazkur mamlakatlardagi qilichbozlik tajribalarini o‘rganish uchun bevosita ushbu davlatlarda mashg‘ulot olib borishmoqda.
300 ga yaqin yosh qilichbozni o‘zida ja’mlagan O‘zbekiston chempionati 7 fevral kuniga qadar davom etadi. Musobaqa g‘olib sovrindorlari milliy terma jamoaga jalb qilinadi. Bu kabi turnirlar 2018 yil Argentinada o‘tadigan, yoshlar o‘rtasidagi Olimpiyada o‘yinlari uchun tayyorgarlik-saralash bo‘lib xizmat qiladi.
