Ispaniya qiroli kubogi musobaqasida ikkinchi finalchi nomi aniq bo‘ldi. Yarim finalning javob bahsida "Alaves" o‘z maydonida "Selta"ni qabul qildi va saviya jihatdan o‘zidan kuchliroq bo‘lgan raqibni mag‘lub etishga muvaffaq bo‘ldi.

Bahsning 83-daqiqasida Edgar Mendes tomonidan kiritilgan to‘p mezbonlarga g‘alaba keltirdi. Eslatib o‘tamiz, Vigo shahrida bo‘lib o‘tgan dastlabki o‘yinda hisob ochilmagandi.

Shu tariqa, "Barselona" va "Alaves" jamoalari Ispaniya kubogi bosh sovrini uchun kurash olib borishadi.

Ispaniya kubogi, yarim final, javob o‘yini
Alaves – Selta 1:0 (0:0, 1:0)
Gol: 1:0 – 82 Mendes.
Alaves – Pacheko, Feddal, Laguardia, Teo, Manu Garsiya, Femeniya, Kamarasa, Markos Lyorente, Ibai Gomes (Vigaray, 88), Deyverson, Tokero (Mendes, 79; Ruano, 90).
Selta – Alvares, Kabral, Kastro, Malyo, Ronkalya, Radoya, Dias (Gvidetti, 83), Ernandes, Vass (Rossi, 86), Bongonda (Sisto, 74), Aspas.
Ogohlantirishlar: Feddal (39), Aspas (39), Dias (53), Teo (90).
Birinchi o‘yin: 0:0