Испания қироли кубоги мусобақасида иккинчи финалчи номи аниқ бўлди. Ярим финалнинг жавоб баҳсида "Алавес" ўз майдонида "Сельта"ни қабул қилди ва савия жиҳатдан ўзидан кучлироқ бўлган рақибни мағлуб этишга муваффақ бўлди.

Баҳснинг 83-дақиқасида Эдгар Мендес томонидан киритилган тўп мезбонларга ғалаба келтирди. Эслатиб ўтамиз, Виго шаҳрида бўлиб ўтган дастлабки ўйинда ҳисоб очилмаганди.

Шу тариқа, "Барселона" ва "Алавес" жамоалари Испания кубоги бош соврини учун кураш олиб боришади.

Испания кубоги, ярим финал, жавоб ўйини
Алавес – Сельта 1:0 (0:0, 1:0)
Гол: 1:0 – 82 Мендес.
Алавес – Пачеко, Феддаль, Лагуардиа, Тео, Ману Гарсия, Фемения, Камараса, Маркос Льоренте, Ибаи Гомес (Вигарай, 88), Дейверсон, Токеро (Мендес, 79; Руано, 90).
Сельта – Альварес, Кабраль, Кастро, Мальо, Ронкалья, Радоя, Диас (Гвидетти, 83), Эрнандес, Васс (Росси, 86), Бонгонда (Систо, 74), Аспас.
Огоҳлантиришлар: Феддаль (39), Аспас (39), Диас (53), Тео (90).
Биринчи ўйин: 0:0