Krishtianu Ronaldu va Lionel Messi Chempionlar Ligasi tarixidagi shubhasiz, eng yaxshi to‘purarlardir. Biri «Real» Madrid, boshqasi «Barselona» tarkibida ushbu musobaqadagi 100-golini urishga yaqin turibdi.

2014 yil 25 noyabri Lionel Messi uchun o‘zgacha ahamiyatga ega. «APOEL»ga qarshi bahsda argentinalik hujumchi o‘zining 72-, 73-,74-gollarini urdi va to‘purar Raulni quvib o‘tdi va eng yaxshi to‘purarga aylanib olgandi. Undan keyin Ronaldu ikkalasini ham quvib o‘tdi. Hozirda Ronaldu va Messi hisobida mos ravishda 96 va 93 tadan gol bor. 100 lik marra esa yaqin ! Kim birinchi bo‘lib yetib keladi?

Krishtianu Ronalduda o‘ziga xos duelda yutib chiqishga imkoniyati ancha yuqori biroq, bu yilgi mavsumda portugaliyalik yulduz atigi ikkita gol ura oldi. Messi esa hozircha har bir o‘yinda o‘rtacha ikkita gol urmoqda. Shu ketishda bo‘lsa, argentinalik yulduz Krishtianu Ronalduning 2013-2014 yilgi mavsumda qayd etgan rekordini yangilashi mumkin. O‘sha mavsumda Ronaldu 17 gol urib musobaqa to‘purari bo‘lgandi. Bu yuzlik dovonni bosib o‘tishda ikkala futbolchi albatta jamoadoshlarining yordamlariga muhtoj. Aynan jamoadoshlarining ko‘rsatadigan o‘yinlari bu o‘ziga xos duelda kim birinchi bo‘lib yuzinchi golni nishonlashini belgilab beradi.