Криштиану Роналду ва Лионел Месси Чемпионлар Лигаси тарихидаги шубҳасиз, энг яхши тўпурарлардир. Бири «Реал» Мадрид, бошқаси «Барселона» таркибида ушбу мусобақадаги 100-голини уришга яқин турибди.

2014 йил 25 ноябри Лионел Месси учун ўзгача аҳамиятга эга. «АПОЭЛ»га қарши баҳсда аргентиналик ҳужумчи ўзининг 72-, 73-,74-голларини урди ва тўпурар Раулни қувиб ўтди ва энг яхши тўпурарга айланиб олганди. Ундан кейин Роналду иккаласини ҳам қувиб ўтди. Ҳозирда Роналду ва Месси ҳисобида мос равишда 96 ва 93 тадан гол бор. 100 лик марра эса яқин ! Ким биринчи бўлиб етиб келади?

Криштиану Роналдуда ўзига хос дуэлда ютиб чиқишга имконияти анча юқори бироқ, бу йилги мавсумда португалиялик юлдуз атиги иккита гол ура олди. Месси эса ҳозирча ҳар бир ўйинда ўртача иккита гол урмоқда. Шу кетишда бўлса, аргентиналик юлдуз Криштиану Роналдунинг 2013-2014 йилги мавсумда қайд этган рекордини янгилаши мумкин. Ўша мавсумда Роналду 17 гол уриб мусобақа тўпурари бўлганди. Бу юзлик довонни босиб ўтишда иккала футболчи албатта жамоадошларининг ёрдамларига муҳтож. Айнан жамоадошларининг кўрсатадиган ўйинлари бу ўзига хос дуэлда ким биринчи бўлиб юзинчи голни нишонлашини белгилаб беради.