Bugun — 3 mart kuni futbol bo‘yicha O‘zbekiston Oliy ligasida 2017 yilgi mavsum rasman start oladi. O‘tgan yilda bo‘lgani kabi bu safar ham 16 jamoa chempionlik uchun kurash olib boradi.

1-tur bellashuvlari ikki kunga mo‘ljallangan. Amaldagi chempion, mamlakatning eng ko‘p karra chempioni va bu yil chempionat debyutanti hisoblangan klublar 3 mart kuni maydonga tushadi. Qolgan klublar ishtirokidagi o‘yinlar 4 mart — shanba kuniga tayin qilingan.

O‘zbekiston Oliy ligasi
1-tur
3 mart, juma

«Metallurg» — «Dinamo» — 15:30
«Mash’al» — «Lokomotiv» — 16:30
«Paxtakor» — «Qizilqum» — 17:00

4 mart, shanba
«Qo‘qon—1912» — «Nasaf» — 15:30
«Sho‘rtan» — «Neftchi» — 16:00
«Navbahor» — «Obod» — 16:00
«Buxoro» — «Olmaliq» — 16:30
«Bunyodkor» — «So‘g‘diyona» — 18:00

Ma’lumot uchun, «Lokomotiv» mamlakatning amaldagi chempioni hisoblanadi. «Navbahor» elitadagi o‘rnini pley-offdagi g‘alaba evaziga saqlab qolgan, «Dinamo» esa chempionat debyutanti.

Musobaqada 1-o‘rinni qo‘lga kiritgan klub Osiyo Chempionlar ligasi guruh bosqichiga yo‘llanma oladi. 2-o‘rin sohibi va O‘zbekiston kubogi g‘olibi OCHLning pley-offida o‘ynash huquqini qo‘lga kiritadi.