Бугун — 3 март куни футбол бўйича Ўзбекистон Олий лигасида 2017 йилги мавсум расман старт олади. Ўтган йилда бўлгани каби бу сафар ҳам 16 жамоа чемпионлик учун кураш олиб боради.
1-тур беллашувлари икки кунга мўлжалланган. Амалдаги чемпион, мамлакатнинг энг кўп карра чемпиони ва бу йил чемпионат дебютанти ҳисобланган клублар 3 март куни майдонга тушади. Қолган клублар иштирокидаги ўйинлар 4 март — шанба кунига тайин қилинган.
Ўзбекистон Олий лигаси
1-тур
3 март, жума
«Металлург» — «Динамо» — 15:30
«Машъал» — «Локомотив» — 16:30
«Пахтакор» — «Қизилқум» — 17:00
4 март, шанба
«Қўқон—1912» — «Насаф» — 15:30
«Шўртан» — «Нефтчи» — 16:00
«Навбаҳор» — «Обод» — 16:00
«Бухоро» — «Олмалиқ» — 16:30
«Бунёдкор» — «Сўғдиёна» — 18:00
Маълумот учун, «Локомотив» мамлакатнинг амалдаги чемпиони ҳисобланади. «Навбаҳор» элитадаги ўрнини плей-оффдаги ғалаба эвазига сақлаб қолган, «Динамо» эса чемпионат дебютанти.
Мусобақада 1-ўринни қўлга киритган клуб Осиё Чемпионлар лигаси гуруҳ босқичига йўлланма олади. 2-ўрин соҳиби ва Ўзбекистон кубоги ғолиби ОЧЛнинг плей-оффида ўйнаш ҳуқуқини қўлга киритади.
